Tuesday, May 22, 2007

يبقى الحال على ماهو عليه … و لكن نتغير

كانت اتصفح النت كالعادة … لمعرفة الاخبار … و كل مرة بدخل المدونات بنفس الاحساس بداخلى … ياترى الدنيا اتعدلت … و كل مره بجد الوضع زى ماهو كم لو كانت هى خناقه بين الشعب و الحكومه محولة للنيابة و النيابة اتخذت موقفها المشهور يبقى الحال على ماهو عليه … و كل يوم بتزيد الخناقات و قرار المحكمه زى ما هو … يبقى الحال على ما هو عليه …

لكن الشعب بيتغير … مثلا … انا من شهرين ماكنتش اعرف منعم و ماكنش عمرى حافتح مدونة اسمها انا خوان … بسبب كلاكيع شخصية … (اه انا معقده)… دلوقتى انا بعرف منعم من كل النواحى … فى البداية من الناحية الانسانية … مصرى امن دولة بتجرى وراه … والده عيان … لما كتر الكلام … بدات اقأر ما كتب فى الماضى … فعرفته من الناحيه المهنية … و اخيرا من الناحيه الشخصية لما قرأت ما كتب اصدقائه عنه … يعنى رغم قرار يبق الحال على ما هو عليه … اتغيرت … رغم العقد و الكلاكيع … قرأت حاجة عمرى مكانت هاقرأها … و نفس الشئ ممكن ان يقال عن كريم (رغم عدم اتفاقى معه) … أمتى الحكومة حتتعلم لما يكون الكلام مفتوح كل واحد بيوصل وجهة نظرة … بنختار نقراء لمين حسب عقدنا و كلاكيعنا … لكن لما تعتقل واحد علشان رايه و كلامه … مبيسكتوش بالعكس ... دى بتحته فوق منبر عالى و بتمسك مايكريفون … و بتجبرنا نسيب عقدنا و كلاكيعنا علشان نحاول نفهم ليه… فشكر للحكومة على تغييرنا … و توسيع افقنا … جلجل يا منعم بحثا عن الحرية... كلنا معك

Monday, April 30, 2007

ما أخذ بالقوة يسترد بالقوة

هذه المقولة طالما شغلتنى ... كانت اسمعها كثيرا عن انتصارنا فى السادس من أكتوبر ... سمعتها من حسن نصر الله فى حرب لبنان الاخيرة ... و لم تعد تعنى لى شىء و اغلب الظن انها لم تعد تعنى شيئا لنا جميعا ... و من يومين عرفت لماذا لم تعد تعنى لنا هذه الكلمات معنى ... كنت اتكلم مع صديقى الشرقاوى ... و حتى الان لا يعرف كلانا ايه إلى لم الشامى على المغربى ... وازاى بقينا أصحاب ... المهم بعد السلام و أخبار كلا منا الاخر باخباره ... و السؤال عن الأهل ... و قبل انتهاء الحديث ... قلت له ... مش أنا بداءت أدون ... اصفر وجهه وكان هايغمى عليه... و قال لى ليه بس ... رديت هفرقع من جنابى ... بلاش يابنتى دانتى مش حمل بهدله !!!... قلت له ... فى الاول قلت كده ... قال لى و الكلى ... و ضهرك و بقيت البلاوى الى عندك... قلت له عارفه بس انا مبعملش حاجة ... لا بحرض على مظاهرات و لا بروحها ولو حد سالنى هاقوله مليش دعوة انا كنت فى الحمام ساعتها ... انا بس بتكلم عن حال بلدى ... و كمان محدش بيقرأ لى ... يعنى بكلم نفسى بصوت عالى ... اوكى ....

و امبارح كل الكلام ضرب فى دماغى ... لقد اخذت أرادتنا بالقوة ... لم يعد عندنا أرادة ... حتى لما قلت أكلم نفسى ... الوحيد من صحابى الى عرف ... خاف عليا ... و فضلت جملة "ماأخذ بالقوة لا يسترد إلا بالقوة" ... و لم أجد أجابة كيف نسترد الارادة التى سلبت منا ؟؟؟؟؟؟؟؟

Saturday, April 28, 2007

بدويك يا مصر

كنت بتابع فى المصرى اليوم أخبار بدو سينا والى بيحصل ليهم ...طلب لجوئهم لأسرائيل ... واستغربت ليه ...افتكرت يوم ماعرفت ان البدو مبيدخلوش الجيش المصرى ...يومها سألت ليه هم مش مصريين؟ ...رد جالى ...دول رحالة وولائهم مش معروف ...وفكرت و قلت ممكن ...كان فى افلام بتتكلم عن بدوى بيسلم الجنود المصريين لأسرائيل ...بس برضوا كان فيه البدو الى بيخبوا الظباط و يوصلوهم للأراضى المصرية ...وافتكرت فيلم أعدام ميت لما البدوى بدل الضابط المصرى بابنه الخاين علشان يقتله ...ورن فى ودنى كلمة الاب و هو بيقتل ابنه "باطهرك يابنى"
و بعدهها سمعت ان البلد بتدلع البدو علشان تضمن ولائهم ليها ...قلت ممكن ...مصر دبلوماسية عمار يا بلدى ...حد يفهمنى اية اللى حصل بين الوقت ده و النهارده
ليه فجاءة مش مهم الولاء لية مبقاش فارق ...بقت الحكومة بتقول مش مهم ...خلاص افتكرنا ان احنا ممكن نقتلهم و نسجنهم و ميعملوش حاجة ...لية نسينا أنهم رحالة ؟؟؟؟؟؟؟؟؟
موقف حكومتنا زى موقف أسرائيل من العرب زمان لما أيام ما جندى حط علم أسرائيل على المسجد الاقصى و جولدامائير قلت حتقوموا العرب علينا ... و عدت سنين دخل شارون المسجد بالجزمة ضاربا بعرض الحائط مشاعر العرب ....
بس الحكومه نسيت ان البدو رحالة مش عرب و مينفعش نتعامل معاهم زى ما شارون عمل فينا ...هما مش هيسكوتوا ...ولا هينسوا ... أه يا بلدى ...حكامك وخدينيك على فين ؟؟؟؟؟؟؟؟؟

Wednesday, April 18, 2007

مصر يا حبيسة

اه يابلادى ....انت حبيسة وولادك مظلومين ...من كام يوم و انا بتابع حبس عبد المنعم محمود ...عمرى ماكنت بتابع الاخوان ومعرفش عنهم حاجة ... بس ماشى ... لما اريت عن عبد المنعم...قلب وجعنى . معرفتش لية و شفت صور والده وعرفت ان والده عيان حاجة وجعتنى اكتر و ...كملت ايامى اتابع و الالام بتزيد و اليوم عرفت لية الالم بيزيد رغم انى مش اخوان ... و رغم الى اريتوا عن الأخون بيقول ان الى حصل متوقع و عادى ... و هم بيتعملوا معاه عادى...
اليوم عرفت ان انا بتألم على بلدى الحبيسة بكل ولادها الى فى سجنها... أه يا بلدى بحبك ياحبيسة بحبس عبد المنعم وكل مصرى محبوس علشان فكر ... تكلم ...او حب مصر بشكل مختلف

Monday, March 26, 2007

أنا

أنا و عوذ بالله من كلمة أنا .... بس علشان نبداء لازم اقولها ... انا شابة مصرية فى زمن غريب ... وبما أنى أمل أهلى الوحيد... مش حستحمل قلم\الم واحد و حاعترف بكل شيئ... فأنا مش بروح المظاهرات و بكتفى بالقرأه ....والنهارده فاض بيا الكيل ... و قلت لازم اتكلم... العربى بتاعى مكسر ... و انتم مش لازم تقرأوا... أنا بخرف ...